|
|
| Mendexa |
ITSASERTZEKO MENDI HERRI BAT
Norbaitek esana du, Mendexa itsasoari bizkar emanda bizi den itsasertzeko udalerria dela, itsaslabarrek ukatu dioten babesa zelai lehorrean aurkitu nahian. Ez zuen, ez, arrazoaiaren faltarik.
Toki pribilegiatuan kokatua, itsas gaineko muino hezean, Zelaia erdigunean eta, Iturreta, Leagi eta Likona auzoetan banatua dago Mendexa: egurastera eta atseden hartzera deitzen gaituen eremu ikusgarria.
Erdi Aroan, Alfonso el Castoren garaietan, zeina 795etik 843ra izan baitzen errege, bertakotu ziren hango Iurreta Likona eta Mendexa leinuak: Haietan lehenengoakoa zen Loiolako Inazioren amarengandiko amona.
Ziurrenik, Mendexaren hastapenetan zerikusirik izan zuen Lekeitioko feudal ondareren batek. Goi Erdi Aroan, Lekeitioren mendeko elizatzat ageri zaigu Mendexa. 1545ean, Lekeitioko Kabilduarekin eta Udalarekin muturraldi gogorrak izan ondoren, Mendexa bere parrokiaren jabe egin zen eta, eliz bereizte honen ondorioz, muga politiko nahiz administratibo berriak ezarri behar izan zituzten. Era honetan jaio zen Mendexa Elizatea Lurralde burujabe gisan.
|
|
.jpg)
Lea-Artibain Jan
